Kayak pemilu yang udah-udah,kali ini pun gue golput.gue paling gak demen ama yang namanya pemilihan umum atau yang deket-deket gitu yang bau-bau politik.rasanya udah males banget denger beritanya juga.gue emang gak bisa jadi rakyat yang baik,abis bgimane ye? namanye juga kagak demen,di gimane gimanein juga gak demen aje.apalagi ntu kalo pemilihan parte,caleg ampe pada gila ama bunuh diri beuh nonton tipi jadi beritanye gitu mulu,baca blog jadi gitu mulu,baca koran gitu mulu juga,pusing mpok.... sambil ngetik,mikirin ape kalo pilpres juga bakal ada yang gila juga? kepengenya seh kagak,lagian juga mental mereka udah pada kuat gak kayak caleg.tesnye aje berat.kalo kejadian kayak pemilihan caleg yang ampe gila ame bunuh diri bisa-bisa kita di ketawain ame negri tetangga donk...jangan ye pak?? apa kate dunia?
Kebenernye seh gue kalo pilpres kagak mau golput,tapi males pulangnye jauh.gak ada ongkos,sekalian mo ngurus KTP yang ude mati 6 bulan yang lewat.mo ngurus KTP juga jauh gak ada duit katenye seh murah gak nyampe jual rumah, tapi ujung-ujungnye seh minta duit rokoklah,duit bensinlah.di kira nyari duit gampang kali ye? jadi males ketemu ama orang-orang begitu dari kelurahan ampe kecamatan sama aja. apalagi kalo mau bikin KTP jakarta bisa-bisa kambing babeh gue abis tuh sekandang (lah orang sekandang isinye cuma dua biji,beuh...tepok jidat).
Kejauhan neh ngelanturnye,muter lagi aja deh ke soal pilpres.(padahal tadi ude lupa tuh ama soal pilpres).abis bgimane gi dengerin tipi ada berita bom molotov meleduk di TPS di sulsel,(kurang kerjaan amat tuh orang).adalagi yang nyontreng ampe dua kali,di ciduk lah.(beuh...seneng bener nyontreng,lupa tuh di mane abis kepotong ma iklan..hehehhee).mentang-mentang katanye pesta demokrasi kali ye..jadi ada yang nekat meriahin tuh pesta pake bom molotov,nah yang nyontreng dua kali tuh dapet undangan dua biji dari TPS yang beda tempat.di kira undangan sunatan kali ye di samperin dua-duanya.(die pikir "wah gue bakal dapet besek dua biji neh"....hehehe)
di baca mpe abis neh tulisan?? nganggur amad sie??
-------------------------------------------------
Jakarta, Radio Dalam
--Djenar Abunetti--
